Вилоят ҳокими вазифасини бажарувчи Жўрабек Рахимов Урганч марказий деҳқон бозорида бўлиб, яратилган шароитлар, нарх-наво билан танишди

Бозорлар -  юрт кўрки. Ундаги тўкин-сочинлик шу элнинг турмуши фаровонлигидан дарак. Изғирин совуқ туфайли сотувчилар деҳқон бозорларидаги очиқ расталарда савдо қилишда муайян қийинчиликларга дуч келишгани ҳам бор гап. Шу боис кеча тунда вилоятдаги барча деҳқон бозорларида савдо расталарида сотувчи ва харидорлар учун шароит яратиш, совуқдан ҳимояланиш учун вақтинча қурилмаларни ўрнатиш ишлари амалга оширилди.

Бугун вилоят ҳокими вазифасини бажарувчи Жўрабек Рахимов Урганч марказий деҳқон бозорида бўлиб, яратилган шароитлар, нарх-наво билан танишди. Тезкор чора-тадбирлар кўрилиши натижасида бозор расталари деҳқонлар томонидан етиштирилган  мева, сабзавот ва полиз маҳсулотлари билан яна тўлиб тошган. Бундан ташқари бозор ҳудудидаги  қишлоқ хўжалиги маҳсулотларининг  савдо ярмаркасида ҳам аҳолига таклиф этилаётган  маҳсулотлар ҳажми ва  тури кўпайтирилди.